Boshqarma boshlog’i - Nazarova Shoira Djurayevna

Postmarketing nazorat boshqarmasi Oʻzbekiston Respublikasi Sog'liqni saqlash vazirligi huzuridagi "Farmatsevtika mahsulotlari xavfsizligi markazi" Davlat muassasasining tarkibiy bo’linmasi bo’lib, o‘z faoliyatida Jahon Sog‘liqni Saqlash Tashkiloti tavsiyalariga, O‘zbekiston Respublikasining Konstitusiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi qonunlari va qonunosti xujjatlariga, Vazirlar Mahkamasining qarorlari va farmoyishlariga, O‘zbekiston Respublikasi Sog‘liqni saqlash vazirligining buyruqlari va ko‘rsatmalariga, boshqa qonun hujjatlariga va shuningdek Davlat muassasasining buyrug‘iga amal qiladi, hamda o‘z faoliyatini O‘zbekiston Respublikasining 2016 yil 4 yanvardagi 399-sonli “Dori vositalari va farmasevtika faoliyati to‘g‘risida”gi qonuni, O‘zbekiston Respublikasining 2010 yil 7 maydagi “Sud ekspertizasida to‘g‘risida”gi tasdiqlangan qonunning 21-modda: Kompleks sud ekspertizasi, 23-modda: Sud ekspertining xulosasi (xulosa), 1994 yil 22 sentyabrdagi O‘zbekiston Respublikasining Jinoyat-prosessual kodeksining 174-moddasi, O‘zbekiston Respublikasi Jinoyat prosessual kodeksining 238-modda Yolg‘on guvohlik berish, 240-modda Jinoyat prosessini yuritish qatnashchilarining o‘z zimmasidagi vazifasini bajarishdan bo‘yin tovlash talablariga rioya qilinishi, O‘zbekiston Respublikasi 2014 yil 3 dekabrdagi 378-sonli “Jismoniy va yuridik shaxslarning murojaatlari to‘g‘risida”gi qonuni, O‘zbekiston Respublikasi Vazirlar Mahkamasining 2009 yil 15 iyuldagi 200-sonli qarori, O‘zbekiston Respublikasi Vazirlar Mahkamasining 2017 yil 6 apreldagi 185-son qaroriga muvofiq amalga oshiradi.

Boshqarma yo‘nalishi:

1. Postmarketing nazorati
2. Huquqni muxofaza qiluvchi organlar murojaatlari, hamda jismoniy va yuridik shaxslardan dori vositalari va tibbiy buyumlar sifati yuzasidan kelib tushgan ariza va shikoyatlar bilan ishlash
3. Farmakonazorat

 

Boshqarmaning asosiy vazifalari:

Huquqni muhofaza qiluvchi organlari tomonidan kelib tushgan murojaatnomalari, qarorlari, ajrimlari va so’rovnomalari asosida Davlat muassasasining bo’limlari tomonidan taqdim etiladigan xulosa va ma’lumotlarni umumlashtirib qonun doirasida javob xatlari tayyorlash.

O’zbekiston Respublikasi Adliya Vazirligi huzuridagi X.Sulaymonova nomidagi respublika ekspertiza markazi, O’zbekiston Respublikasi Ichki ishlar Vazirligi huzuridagi sud-kriminalistika ekspertiza markazlari bilan hamkorlikda kompleks ishlarini olib borish.

Huquqni muhofaza qilish organlari murojaatlari asosida aniqlangan holatlar bo’yicha O’zbekiston Respublikasi Jinoyat kodeksi asosida qo’zg’atilgan jinoyat ishlari yuzasidan Davlat markazi tomonidan berilgan ma’lumotlarni va xulosalarni asosliligi (qonuniyligi) yuzasidan so’roq va sud – tergov jarayonlarida ekspert sifatida ishtirok etish.

Davlat markazining ekspertiza o’tkazish uchun topshirigan hodimlarga O’zbekiston Respublikasi Jinoyat – protsessual kodeksning 68-moddasida qayd qilingan ekspertning huquq va majburiyatlarini tushuntirilishi, uni bila turib noto’g’ri xulosa berganlik, xulosa berishdan bo’yin tovlaganlik uchun O’zbekiston Respublikasi Jinoyat kodeksining 238- va 240- moddalarida belgilangan javobgarlik to’g’risida ogohlantirilishi va bu haqda olingan tilxatni ekspertning xulosasi bilan Huquqni muhofaza qilish organlari murojaatlariga javob xatlari bilan birga taqdim qilish.

Huquqni muhofaza qilish organlarining, shuningdek jismoniy va yuridik shaxslarning arizalari, takliflar va shikoyatlar bo’yicha aniqlangan qonun buzilish holatlari (qalbakilashtirilgan, sifatsiz, yaroqsiz holga kelgan dori vositalari va tibbiy buyumlar) yuzasidan tegishli vakolatli organlarga chora ko’rish uchun hujjatlarni taqdim etish.

O‘zbekiston Respublikasi hududida vakolatli tashkilot tomonidan rasmiylashtirilgan «GMP» va/yoki “ISO:13485” talablariga muvofiqligini tasdiqlovchi sertifikatlarga ega mahalliy ishlab chiqaruvchilar tomonidan ixtiyoriy ravishda sertifikatlashtirilmagan farmasevtika mahsulotlari yuzasidan davriy xisobotlar olib borish;

Postmarketing nazorati amalga oshiriladigan tegishli me'yoriy hujjatlar yoki boshqa normativ hujjatlarning talab va ko‘rsatkichlarini aniqlashtiradi;

Postmarketing nazorati uchun tanlab olingan dori vositalari, tibbiy buyumlar va tibbiy texnikani sinovlarini amalga oshirish yuzasidan Markazning sinov laboratoriyalari bilan o‘zaro hamkorlik qilish

 

Biz bilan bog'lanish:
Tel.: 71 203-01-01(2340)
          71 242 84 16
e-mail: postmarketinguz@gmail.com