Yangi tibbiy texnika qo'mitasi  "Dori vositalari, tibbiy buyumlar va tibbiy texnika ekspertizasi va standartlashtirish davlat markazi" DUKning tarkibiy bo'linmasi bo'lib, u mahalliy va xorijda ishlab chiqariladigan tibbiy mahsulotlar: asboblar, moslamalar, uskunalar hamda in vitro diagnostika vositalari sifatini nazorat qilish va ro'yxatdan o'tkazish bo'yicha ishlarni tashkil etadi va muvofiqlashtiradi.

Qo'mita tarkibi:

Xodimlar - 21 nafar xodim: qo'mita raisi, 2 nafar - qo'mita raisi o’rinbosari, 2 nafar – bosh mutaxassis, 8 nafar - etakchi mutaxassis, 4 nafar - 1-toifali mutaxassis, 3 nafar - 2-toifali mutaxassis.

Qo'mitaning asosiy vazifalari:

• O’zbekiston Respublikasi Vazirlar Mahkamasining 2018 yil 23 martdagi “Dori vositalari, tibbiy buyumlar va tibbiy texnikani davlat ro’yxatidan o’tkazish hamda ro’yxatdan o’tkazganlik guvohnomasini berish tartibi to’g’risidagi nizomni tasdiqlash haqida”gi 213-son qaroriga muvofiq tibbiy buyumlar, tibbiy texnika hamda profilaktika va diagnostika vositalarini davlat ro'yxatidan o'tkazish (ro’yxatdan o’tkazganlik guvoxnomasining amal qilish muddatini uzaytirish) uchun tavsiya etish va O’zbekiston Respublikasi Prezidentining 2021 yil 5 maydagi “Sog’liqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish to’g’risida”gi PF-6221-son farmoniga muvofiq tibbiy buyumlar, tibbiy texnika hamda profilaktika va diagnostika vositalarini davlat ro'yxatidan o'tkazish uchun tavsiya etish
• laboratoriya, texnik va klinik sinovlar ekspertizasini tashkil etish va o'tkazish;
• tibbiy buyumlar uchun me'yoriy hujjatlarni kelishish;
• O'zbekiston Respublikasi hududida tibbiyot amaliyotida qo’llash uchun ruxsat berilgan tibbiy buyumlar, tibbiy texnika hamda profilaktika va diagnostika vositalarining davlat reyestrini yaratish uchun materiallar tayyorlash;
• ishlab chiqarish uchun tavsiya etilgan tibbiy buyumlar standartlarini ko'rib chiqish va tasdiqlash uchun taqdim etish;
• qo'mita faoliyati yo'nalishlarida xalqaro hamkorlik masalalarini ko'rib chiqish;
• O’zbekiston Respublikasi Davlat Farmakopeyasini yaratishda ishtirok etish.

Qo'mitaning vazifalari:

• tibbiy buyumlar, tibbiy texnika hamda profilaktika va diagnostika vositalarini ro'yxatdan o'tkazish bo'yicha arizalar va takliflarni ko'rib chiqish, ushbu masalalar bo'yicha ish yuritish;
• me'yoriy hujjatlar va tibbiy buyumlar namunalarining davlat, davlatlararo va xalqaro standartlar talablariga muvofiqligi ekspertizasini o'tkazish;
• Belgilangan tartibda standartlar loyihalari, texnik shartlar, qo’llash bo'yicha yo’riqnomalar va ishlab chiqarish qoidalarini muvofiqlashtirish va tasdiqlash uchun taqdim etish.

• Laboratoriya tadqiqotlari va texnik sinovlar natijalarini ko'rib chiqish va tibbiy asbob-uskunalarni ro'yxatdan o'tkazish va tibbiyot amaliyotida qo'llash to'g'risida qaror qabul qilish yoki kerak bo'lganda klinik sinovlarni o'tkazish to'g'risida qaror qabul qilish.
• Klinik sinovlarni tashkil etish.
• Klinik sinovlar natijalarini ko'rib chiqish va tibbiy buyumlarni ro'yxatdan o'tkazish va tibbiyot amaliyotida  ulardan foydalanish bo'yicha tavsiyalar bo'yicha qarorlar qabul qilish.
• Tibbiy buyumlar, tibbiy texnika hamda profilaktika va diagnostika vositalarining nomenklaturasini belgilangan tartibda tasdiqlash yoki qayta tasdiqlash, ularni ishlab chiqarishini modernizatsiya qilish yoki tugatish bo'yicha tavsiyalar ishlab chiqish.
• Tibbiy amaliyotda yangi tibbiy buyumlar, tibbiy texnika hamda profilaktika va diagnostika vositalaridan foydalanishga ruxsat berish va eskirgan yoki tibbiyotda foydalanilmaydiganlarini ro'yxatdan chiqarish to'g'risida idoraviy me'yoriy hujjatlarni, O'zbekiston Respublikasi Sog'liqni saqlash vazirligining buyruq loyihalarini ishlab chiqishda ishtirok etish.
• Ko'rsatma hujjatlarini, qo'llanmalarni, byulletenlarni, yangi tibbiy asboblar to'g'risidagi ma'lumot varaqalarini ko'rib chiqish va tasdiqlashga tayyorlash.
• Qo'mita faoliyatini tartibga soluvchi normativ-huquqiy hujjatlar loyihalarini tayyorlash.
• Tibbiy buyumlar uchun yangi me'yoriy hujjatlarni joriy etish, ishlab chiqarish qoidalarini bekor qilish, amal qilish muddatini cheklash yoki uzaytirish bo'yicha takliflar kiritish.
• Yangi ro'yxatga olish va eskirgan mahsulotlarni chiqarib tashlash maqsadida o'z vaqtida tibbiyotda qo’llashga ruxsat berilgan tibbiy buyumlar, tibbiy texnika hamda profilaktika va diagnostika vositalari nomenklaturasini muntazam ravishda qayta ko'rib chiqish.
• Zarur bo'lganda, turli xil korxona, tashkilot va muassasalarning mutaxassislarini va texnik vositalarni, ularning rahbarlari bilan kelishilgan holda, shu jumladan subpudrat asosida laboratoriyalarni tibbiy buyumlarni tekshirish va sifatini nazorat qilish uchun jalb qilish,.

Qo'mitaning o'tgan davrdagi faoliyati

Ro'yxatga olingan: tibbiy asbob-uskunalar - 1974 (xorijiy - 1676, MDH-240, mahalliy - 58); tibbiy buyumlar - 1221 (xorijiy - 780, MDH - 205, mahalliy - 236); diagnostika vositalari - 442 (xorijiy - 199, MDH-190, mahalliy - 53)

PF-6221-son farmoniga muvofiq Ro'yxatga olingan: tibbiy asbob-uskunalar - 142 (xorijiy - 138, MDH-4); tibbiy buyumlar - 152 (xorijiy - 150, MDH - 2); diagnostika vositalari - 88 (xorijiy - 87, MDH-1)

Uslubiy ish:

• me'yoriy hujjatlarni tayyorlash va rasmiylashtirishda mahalliy ishlab chiqaruvchilarga uslubiy yordam ko'rsatish (o'tgan davr mobaynida 219 ta me'yoriy hujjatlar va 174 ta ishlab chiqarish qoidalari ishlab chiqilgan);
• ro'yxatdan o'tgan tibbiy buyumlarning ma'lumotlar bazasini to'plash va ulardan foydalanish uchun dasturiy ta'minot joriy etildi;
• O'zbekiston Respublikasi Sog'liqni saqlash vazirligining klinik diagnostika laboratoriyalari ishini yaxshilash maqsadida "Klinik diagnostika" turkumining 1-3 qismlari nashrga tayyorlandi va nashr etildi;
• tibbiyot, farmatsevtika universitetlari va kollejlari talabalari uchun darsliklar nashrga tayyorlandi va nashr etildi ("Tibbiyot va farmatsevtika tovarshunosligi", "Tibbiy buyumlar. Standartlashtirish va sifat nazorati");
• sharh, tahliliy va ilmiy maqolalarni mahalliy va xalqaro darajadagi jurnallarda nashr etish ("O'zbekiston farmatsevtika byulleteni"; "Remedium" (RF) va boshqalar).

Standartlar hamda tavsiyalarni ishlab chiqish va ularni amaliyotga tatbiq etish:

• O'zbekiston Respublikasida tibbiyot amaliyotida qollashga ruxsat berilgan tibbiy buyumlarning ro'yxati tasdiqlandi (O'zbekiston Respublikasi Sog'liqni saqlash vazirligining 2016 yil 29 iyundagi 60-son buyrug'i, 2016 yil 12 iyulda 2809-son bilan Adliya vazirligi tomonidan ro'yxatdan o'tkazildi)

Qo'mita tibbiy buyumlarni standartlashtirish sohasida O'zbekiston Respublikasi Sog'liqni saqlash vazirligi va "O'zstandart" agentligining 2012 yil 26 dekabrdagi buyrug'i bilan  O'zbekiston Respublikasi Sog'liqni saqlash vazirligining Dori vositalari va tibbiy texnika sifatini nazorat qilish bosh boshqarmasida tashkil etilgan Texnik qo'mitaning ishida qatnashadi.

Xalqaro standartlarni joriy etish va uyg'unlashtirish hamda O'zbekiston Respublikasida tibbiy buyumlarning milliy standartlarini tan olish bo'yicha ishlar olib borilmoqda.

Ayni paytda tibbiy buyumlar sifatini nazorat qilish bo'yicha 10 ta xalqaro standartlar uyg'unlashtirildi.

Xalqaro aloqalar:

• MDHga a'zo davlatlarning dori vositalari, tibbiyot buyumlari va tibbiyot texnikasini standartlashtirish, ro'yxatdan o'tkazish va sifatini nazorat qilish bo'yicha davlatlararo komissiyasi.
• Farmatsiya bo'yicha xalqaro assotsiatsiyalar (AAPS (AQSh), FIP (Niderlandiya))
• MDH davlatlari dori vositalari va tibbiyot texnikalarini davlat nazorati boshqarmalari.

Biz bilan bog’lanish uchun:

Telefon: (99871) 203-01-01;

E-mail: farmkomitet@ssv.uz

Elektron pochta: knmt_uzb@inbox.uz