Maxsus raqamli markirovkalashni joriy etish boʻlimi

Bo‘lim tarkibi: 5 nafar xodim: boshliq o'rinbosari, bosh mutaxassis - 1, yetakchi mutaxassislar - 1, 1-toifali mutaxassislar – 2.

Quyidagilar bo‘limning asosiy vazifalari hisoblanadi:

O‘zbekiston Respublikasi Vazirlar Mahkamasining 2022-yil 2-apreldagi “Dori vositalari va tibbiy buyumlarni majburiy raqamli markirovkalash tizimini joriy etish to‘g‘risida”gi 149-sonli qaroriga muvofiq, dori vositalari va tibbiy buyumlarni guruhlarga bo‘linishini nazarga tutgan holda identifikatsiya vositalari orqali majburiy raqamli markirovkalash tizimini 2022 — 2025 yillar davomida mutasaddi idoralar bilan birgalikda bosqichma-bosqich joriy qilish.

Dori vositalari va tibbiy buyumlarni raqamli markirovkalash bo‘yicha ilg‘or tajribalarni o‘rganish hamda tizimini yanada takomillashtirish yuzasidan asoslangan takliflar ishlab chiqish.

Dori vositalari va tibbiy buyumlarni ishlab chiqaruvchi, import qiluvchi, ulgurji va chakana realizatsiya qiluvchi tashkilotlarga majburiy raqamli markirovkalash masalalari yuzasidan tushuntirish va maslahat ishlarini olib borish hamda raqamli markirovkalash tartib va qoidalari haqida xabardor qilish. Shuningdek, majburiy raqamli markirovkalash masalalari bo‘yicha axborot almashinuvini yo‘lga qo‘yish.    

Tegishli davlat boshqaruvi organlari va boshqa tashkilotlar bilan o‘zaro hamkorlikni amalga oshirish.

Bo‘limga kelib tushgan jismoniy va yuridik shaxslarning murojaatlari ijrosini o‘z vaqtida taʼminlash, hamda ularning ijrosi bo‘yicha tizimli nazorat olib borish.

Biz bilan bog’lanish uchun:
Telefon: 71 203 01 01 (ichki raqam 2470, 2480)