Joriy yilning sentyabr oyi davomida Dori vositalari, tibbiy buyumlar va tibbiy texnika ekspertizasi va standartlashtirish Davlat markazining Tibbiy mahsulotlarni sertifikatlashtirish markaziy organiga bo‘lgan murojaatlar asosida taqdim qilingan farmatsevtika mahsulotlari belgilangan tartibda sertfikatlashtirish uchun tekshiruvdan o‘tkazildi.

Ekspertiza natijasiga ko‘ra:

Germaniya, Hindiston, Pokiston hamda Shvetsariya davlatlarida ishlab chiqarilgan 15,539 o‘ram va 5 to‘plam umumiy qiymati 1,139,432,000 so'm bo'lgan farmatsevtika mahsulotlari (to‘liq ro‘yxat bu yerda) sertifikatlashtirish jarayonida nomuvofiqligi aniqlanib qo‘llash uchun yaroqsiz deb topildi va sertifikatlashtirilishi rad etildi.

Eslatib o‘tamiz, “Maxsus elektron tizim orqali ayrim faoliyat turlarini litsenziyalash tartibi to‘g‘risida”gi yagona nizom (ro‘yxat raqami 80-son 21.02.2022) ga ko‘ra, dori vositalari va tibbiy buyumlarni muvofiqlik sertifikatlarisiz saqlash va (yoki) realizatsiya qilish faoliyat uchun berilgan litsenziyaning amal qilishi belgilangan tartibda to‘xtatilishiga olib keladigan, litsenziya talablari va shartlarini qo‘pol ravishda buzilishi hisoblanadi!

Hurmatli yurtdoshlar! Dori vositasi, tibbiy buyum va tibbiy texnikaning nomi, Davlat ro‘yxatidan o‘tgan raqami, chiqarilgan shakli, ishlab chiqargan mamlakat, muvofiqlik sertifikat berilgan sana va boshqa tegishli maʼlumotlarni Davlat markazi rasmiy veb saytidan olishingiz mumkin.

Davlat markazi Axborot xizmati