Farmatsevtika mahsulotlari xavfsizligi markazida “DARMON” axborot tizimini takomillashtirish masalalari muhokama qilindi

Farmatsevtika mahsulotlari xavfsizligi markazida “DARMON” tizimini takomillashtirish masalalari muhokama qilindi. Tadbirda O’zbekiston, Rossiya, Fransiya va boshqa mamlakatlardan tashabbuskorlar qatnashdi. Tizimni raqamlashtirish, arizachilar uchun qulaylik oshirish hamda foydalanuvchi interfeysini soddalashtirish bo’yicha takliflar kiritildi. Ishlar natijasida jarayonlarda shaffoflik va samaradorlik oshishini kutilmoqda.

Farmatsevtika mahsulotlari xavfsizligi markazida dori vositalari va tibbiy buyumlarni davlat ro‘yxatidan o‘tkazish jarayonida qo‘llanilayotgan “DARMON” axborot tizimini yanada takomillashtirish masalalariga bag‘ishlangan uchrashuv bo‘lib o‘tdi.

Uchrashuv Farmatsevtika mahsulotlari xavfsizligi markazi direktori Alisher Temirov boshchiligida o‘tkazildi. Tadbirda Markaz rahbariyati, Sog'liqni saqlash loyihalari markazi mutasaddilari, shuningdek Rossiya, Sloveniya, Fransiya, Germaniya va Hindiston farmatsevtika kompaniyalarining ro'yxatdan o'tkazish masalalari bilan shug'ullanuvchi mutaxassislari ishtirok etdi.

Muloqot davomida dori vositalari va tibbiy buyumlarni davlat ro‘yxatidan o‘tkazish jarayonlarini raqamlashtirish, soddalashtirish va arizachilar uchun yanada qulay qilish masalalari atroflicha muhokama qilindi. Xususan, arizachilar tomonidan “DARMON” axborot tizimining funksional imkoniyatlarini kengaytirish, foydalanuvchi interfeysini yanada tushunarli va qulay shaklga keltirish bo‘yicha bir qator takliflar ilgari surildi.

Uchrashuvda bildirilgan taklif va mulohazalar tizimni takomillashtirish bo‘yicha olib borilayotgan ishlar doirasida amaliy jihatdan ko‘rib chiqilishi, shuningdek davlat ro‘yxatidan o‘tkazish jarayonlarida ochiqlik, shaffoflik va samaradorlikni oshirishga xizmat qilishi ta’kidlandi.

Mazkur uchrashuv Farmatsevtika mahsulotlari xavfsizligi markazining soha vakillari bilan ochiq muloqotni kuchaytirish, zamonaviy axborot texnologiyalarini joriy etish hamda farmatsevtika mahsulotlari aylanishida sifat va xavfsizlikni ta’minlashi bilan ahamiyatlidir.